ITR फाईल करताना ह्या चुका टाळा नाहीतर होईल मोठे नुकसान Avoid these mistakes while filing ITR

नमस्कार मित्रांनो, 

आयटीआर फाईल भरण्याची ३१ जुलै ही अंतिम तारीख जवळ येत आहे . अनेकजण आयटीआर दाखल करण्यासाठी खूपच उशीर करतात .आणि नंतर वेळ कमी राहिल्यानंतर घाईगडबडीत चुका करतात आणि त्यांचा फॉर्म चुकला जातो . त्यासाठी करदात्यांनी आयटीआर वेळेत आणि चुका टाळून दाखल करायला हवे.आता ITR भरण्यासाठी  फॉर्म भरत असताना  कोणत्या चुका टाळायला हव्यात ,याची ही माहिती आज  ह्या लेखात घेणार आहोत ,संपूर्ण वाचा आणि अधिकाधिक मित्रांपर्यंत माहिती पोहचवा .जेणेकरून ते शेवटच्या तारखेच्या आत ITR file करतील.

 

आयटीआर फॉर्म

आयटीआर भरताना कोणता फॉर्म वापरायचा हे उत्पन्नाचे स्वरूप आणि कर भरणाऱ्या व्यक्तीच्या श्रेणी यानुसार ठरवले जाते. कर भरणाऱ्या व्यक्तीने त्याला लागू असलेला फॉर्मच निवडणे बंधनकारक आहे . चुकीचा फॉर्म वापरल्यास आयटीआर अग्राह्य (reject) केला जाईल आणि संबंधित व्यक्तीला विभागाकडून डिफेक्ट नोटीस पाठवण्यात येईल .आणि त्यानंतर झालेली ही चूक दिलेल्या  मुदतीत दुरुस्त करून पाठवावी लागते

व्यक्तिगत माहिती व बँक तपशील

२०२१  २२ चे आयटीआर फाइलिंग जेएसओएन (json) युटिलिटीवर आधारित आहे . त्यात वैयक्तिक तपशील टॅक्स पोर्टलच्या आयटीआर फॉर्ममधून स्वयंचलित पद्धतीने येतो . करदात्याने व्यक्तीने टॅक्स पोर्टलमध्ये पत्ता , संपर्क क्रमांक , ई - मेल आयडी बरोबर भरावा ,घाई गडबड करू नये . बँक अकाउंटचा तपशीलही असायला हवा नाहीतर तुम्हाला रिफंड क्रेडिटमध्ये समस्या येतील .

२६ एएस , फॉर्म एआयएस (AIS) यांची जुळणी

उत्पन्नाची योग्य माहिती दाखल होण्यात पारदर्शकता आणण्यास सरकारने वार्षिक माहिती निवेदन ( एआयएस ) फॉर्म सादर केला आहे . करदात्यांना फॉर्म एआयएस व फॉर्म २६ एएस यांना अनुरूप आयटीआर भरायचे असते दोन्हींतील आकडेवारीत तफावत येता कामा नये . 

उत्पन्नाच्या सर्व स्रोतांची माहिती

कर भरणाऱ्या व्यक्तीने बचत खात्यांतील व्याज , मुदत ठेवींवरील व्याज , घराचे भाडे , इत्यादी सर्व स्रोतांच्या उत्पन्नाची माहिती आयटीआरमध्ये देणे बंधनकारक आहे . काही व्यक्ती कर चुकविण्यासाठी उत्पंनाचे स्रोत लपवतात अशाने तो व्यक्ती अडचणीत येऊ शकतो . 

सूट असलेल्या उत्पन्नाची माहिती देणे

संबंधित व्यक्तीला जर पीएफ मिळत असेल तर पीपीएफवरील व्याजाचे उत्पन्न , सुकन्या समृद्धी खात्यावरील व्याज , नातेवाइकांकडून मिळालेल्या भेटी , इत्यादीं उत्पन्नाच्या स्रोतांवर प्राप्तिकर (टॅक्स) लागत नाही . मात्र यांची देखील माहिती आयटीआर भरतेवेळी देणे त्या व्यक्तीला बंधनकारक आहे . अन्यथा तुम्हाला यावर सूट मिळू शकणार नाही .
 

आयटीआर - व्ही पडताळणी

आयटीआर भरल्यानंतर ई - पडताळणी करावी लागते . सीपीसीला मॅन्युअल स्वरूपात हस्ताक्षर केलेली आयटीआर - व्ही प्रत पाठवावी लागते . आयटीआर - व्ही पडताळणी केली नाही , तर मेहनत फुकट जाते .

फॉरिन टॅक्स क्रेडिट क्लेमसाठी फॉर्म ६७ आवश्यक

एखाद्या व्यक्तीला विदेशातील प्राप्तिकराचे क्रेडिट क्लेम करावयाचे असल्यास आयटीआर दाखल करण्यापूर्वी फॉर्म ६७ भरणे आवश्यक आहे . याशिवाय विदेशात अदा केलेल्या सर्व करांचे (TAX) पुरावे जोडणेही आवश्यक आहे .

अशाप्रकारे तुम्ही ITR भरताना या सूचनांचे पालन केले पाहिजे ,म्हणजेच तुमचा अर्ज योग्यरीत्या भरला जाईल.आणि प्राप्तिकर डिपार्टमेंट करून कोणतीही क्वेरी तुम्हाला येणार नाही.